පරිවර්ථනය - Translate සිංහල > TAMIL> ENGLISH

Tuesday, September 30, 2014

අසුබ නිමිත්තක්.


මාස ගණනාවක් පීඩා කරන ලද නියගය අවසන් කරන  මහ වැස්සක පෙරනිමිති අහස පුරා පැතිර ඇත. වැස්සට පෙර පැවත්වෙන විවාහ මංගල්‍ය සාදය අවසන් වුවහොත් යහපත් යයි මගේ සිතිවිලි අතරට ගොනු වෙමින් තිබිනි. දැහන බිද වැටුනේ සර් බිල් එක යයි වසන්ත කියු හඩෙනි

සාදයේ අවසන් අදියරට පැමිණ සිටියත් සහභාගීවු පිරිසත් ඇනවුම් කරන ලද මධුවිතෙහි  මිලි ලීටර් ගණනත් හා සසදන විට මේක නම් එවර නොවන සාදයකයයි   සිතිවිල්ලක් ඇතිවී තිබිනි. පස්වරු හතර පමණ වී ඇත.   සංගීතයද එකවර  නතරවිනි.ඒ පිරිසට විසිර යන්නට දුන් සංඥාවක් යයි මම සිතුවෙමි.

මම සකස් කල බිල්පත ඉහල සිට පහලට නිරීක්‍ෂණය කරන්නට විනි. සාදයේ  හරි අඩක් පමණ වැය වී ඇත්තේ මධුවිතත් අවුළුපත් සදහාත් වීම නිසා වසන්තඅද කාන්තා පක්‍ෂයත් හොදටම  බීලද ? යයි විමසු වෙමි.” නෑ සර් වැඩිය හිටියේ තරුනයෝ වසන්තගේ උත්තරය විනි.
අන්තිකාරම් මුදලත් අඩුකර සකස් කල බිල්පතේ ඉතිරිය ලබා ගැණිම වසන්තගේ රාජකාරිය වුයෙන්  සර් ඉක්මන් කරන්න මට විධානය කරන්න තරම්  වසන්තට හයියක් ඇතිවිනි. ඊලග විනාඩි කිහිපය ගෙවී යද්දී මම වෙනත් වැඩකට යොමු වී සිටියදී වසන්ත දුව ආයේ. “ සර් දැන් පනහක් දෙන්නම්  කියනවා - ඉතිරි මුදල හෙට උදේ දෙන්නම් කියනවා ? මොකද කරන්නේ ?. ප්‍රශ්න වැලක් අසමිනි.

සාමාන්‍ය සම්ප්‍රදායන් බිද වැටෙමින් ඇතිවන අළුත් ප්‍රශ්න වලට වසන්තට උත්තර නැතිවාක් මෙන්ම මටද කට උත්තර නැති මෙවැනි ප්‍රශ්න සේවා කාලය  තුලදී ඇතිවේ. විවාහ මංගල්‍ය උත්සවය සදහා ශාලාව වෙන් කරවා ගෙන ඇත්තේද වසන්ත ගෙනි. මෙනුව තෝරා ගෙන අත්තිකාරම් ගෙවා දින වකවානු වෙන් කර ගෙන ඇත්තේද වසන්ත ගෙනි. ඇනවුම ක්‍රියාත්මකව  උත්සවය අවසන් කර ඇත්තේද වසන්ත ‍විසිනි.ආයාතනය පැත්තෙන් ගෙන බැළුවිට වගකිව යුත්තා අසරනවු වසන්තය.  රුපියල් දාහේ ඒවා දෙසියකින් පමණ පියවෙන බිලට පනහක් ලබා ගෙන අවුරුද්දක් පමන ආයාතනයට නොමිලේ කඹුරන්නට වේයයි සිතිවිල්ලක්  වසන්තට ඇතිවුවා විය හැක. අවසානයේ   කලබලවු මනස නිවන්නට මම ඔහුට හදිසි උපකාරකය වී තිබේ.

මම උත්සවයේ පසුබිම හිතට ගන්නට වසන්තගෙන්ම කරුණු කාරනා එකතු කරන්ට විනි.ඒ අනුව ‍ මනාල දෙපලම පැමින සියළු ඇනවුම් ලබාදී ඇති අතර වැඩිහිටියන් කිසිවෙක් මේ කටයුතු සංවිධානයේ නොසිටි බව තේරුම් ගතිමි. ප්‍රශ්ණ ගැටළු නිරාකරණය කර ගත යුත්තේ මනාල යුවලගෙනිජීවිතයේ වැදගත්ම අවස්ථාවක සාකච්ඡා කිරීමට මට ඉතිරිව ඇත්තේ අප්‍රසන්න මාතෟකාවක් යටතේම ලියවුන කතාන්දරයකි.

සන්සුන් වීම වැදගත් යයි  මගේ මනස මට පලමු උපදේශය විධානයක් ස්වරූපයෙන් නිකුත් කලෙන් මම ඊට අවනතවිමි. පැමිණි අමුත්තන් විසිර ගොසිනි. වසන්තගෙන් විමසු තොරතුරු අතර  මනාල යුවල පිටතට නොගොස් හෝටලයේම  කාමරයක් වෙන් කර ගෙන ඇති බව සදහන් විනි. “ වසන්ත සමහර විට ලැබුන තෑගී බලල බිල පියවන්න හිතනවා ඇති.  අපි  එහෙනම් එතකම් තියෙන පනහ ගනිමු. ”වසන්තට එදින රෑට නින්ද යන පිලිතුරක් මගෙන් ලැබී ඇත. “ බිලට වඩා තෑගී හම්බු වෙලා තිබුනොත් අපි ගොඩ  සර් !. වසන්ත පනහ රැගෙන එන්න ඉගිලිනි.

මම මට වෙන්වුන කටයුතු වල ගිලෙමින් සිට වෙනදා මෙන්ම පසුදාට පහන් කරන්නට  ඇදට වැටුනත් මේ යුවල කටයුතු කර ඇත්තේ කොතරම් අවදානමක් ඇති කර ගෙනද යන්න විමසමින් නිදිවරන්නට මට සිදුවිනි. පැමිණි අරාධිතයන්ගෙන් පිදුම් ලද  මුදල් ත්‍යාගයන් හෝටලයේ බිල ඉක්මවා නොගියහොත් ? . ඔවුන් හා වසන්ත පත්වන අසරනත්‍වයට පිලිතුරු පසුදා මට තිබිය යුතුය. ඒ  පිලිතුර අප සියල්ලම ගොඩ යා යුතු පිලිතුරක්ද විය යුතුය.

මාස තුනකට පමණ පෙර ඇනවුම් කර සැලසුම් කරන ලද විවාහ මංගල්‍ය උත්සවයක පිරිවැය ගෙවීමට සුදානමක් නැතිව හෝටලයකින් පිටත්ව යා හැක්කේ පොලිසියකට යයි මේ යුවලට අවධානමක් තිබී නැත. අවමංගල්‍ය උත්සවයක් වැනි හිටි හැටියේ කඩා වැටෙන උත්සවයකට  - විවාහ මංගල්‍ය උත්සවයක් සමාන කල නොහැක.

අපේ ඇත්තන් අතේ ඇති හැටියට උත්සවයක් සංවිධාණය කර ගන්නට කැමති නැත. උත්සවයෙන් පසු පම්පෝරි ගැසිය හැකි මට්ටමක උත්සවය තිබිය යුතුය. මංගල බෙර කරුවන් , මංගල පෝරුව, ජයමංගල ගාථා , පිලිගැනීමේ ගීතය, සෙටි බෑක් එක ,අෂ්ඨක කියු කලා කරුවා,   උත්සව ශාලාවේ සැරසිලි, උත්සව ශාලාව ආහාර පාන ,මධුවිත ,අවුළුපත් මේ කී නොකී සියල්ලම ගෙවිය යුතු මුදල්ය.එකතු කර ගත් විට මහ ලොකු පිරිවැයක්ය. ඒ ගැන හිතන්නට උවමනා නැත.

පසුදා  බිල පියවීමට නගරයේ බැංකුවකින් අත්තිකාරමක් ලබා ගැනීම සදහා මනාලියගේ ගෙල බැදි මාලය සුරකීමට තබා දෙවන ගමන යන්නට සිදුවන මනාලියකගේ හදවතේ හඩා වැටීමත් කඩා වැටීමත් - මගේ මනසට පීඩාවක් විය. එහෙත්  බිල් පතේ වටිනාකම සදහා සුරැකුමක් ආයාතනයට ලබා දිය යුතුය. නැත්නම් වසන්තත්- මමත් කොට උඩ යාම සිකුරුය.  බිල්පත ගෙවීමට කාල සීමාවක් ලබා දී  නිදහස් කිරීමට  හැකි වුනත් අනන්‍යතාවය තහවුරු කිරීමට මේ යුවල - සුදුසු පුද්ගලයෙකු  ඉදිරිපත් කිරීමටත් එකගතාවයක් නොමැත. අවසානයේ සුරැකුමක් - ගිවිසුමක් සදහා පොලිස් පොත යෝජනා කිරීමට සිදුවිය. ඔවුන් එයට කැමති විය.  
කොයිතරම් අසුබ නිමිත්තක්ද ?

මමත් - වසන්තත් තාවකාලිකව සැනසුන බව අවසානයට සටහන් කල යුතුය.


notes of imaginary

Wednesday, September 17, 2014

ඔබලා බැලිල්ලක් .


ළ කෙලියයි. විදුලි බිල 25% කින් අඩු කරලා. පෙට්‍රල් ,ඩීසල් බස්සලා. ලාම්පු තෙල් හොදටම අඩු කරලා.
අහ්චර්යක මහිම ! . කිව්ව දේ කරන  - කරන දේ කියන  චින්තනයේ අරුමය!. මේක ගැන නොයෙක් කතා කියනවා. ඉරිසියාවට කියන කතා !. ඌවේ චන්දේ පරදින හින්දා අන්තිම තුරුම්පුව ගැහුවා කියලා කෙනෙක් කියනවා. තවත්  කෙනෙක් කියනවා  ඕවා ඡණ්ද ගුණ්ඩු කී දවසක් තියෙයිද ඔය ගණන් .ඡණ්දේ ඉවරවුනාම ආයේ වැඩි වෙයි කියලා. !. ලංකාවේ ඡණ්ද තියෙන හැටියට කාලෙකට ගාණ නම් වෙනස් වෙන එකක් නැහැ කියලා මට හිතෙනවා.
චීනෙන් ආව ජොලියට චීන ලොක්කා ඉස්සරහ තියාගෙන කරපු ප්‍රකාශයකින් මිළ අඩුකරපු හින්දා අපිට හොද ජාත්‍යාන්තර සාක්‍ෂියක් නම් මේ වැඩේට ලැබිලා තියෙනවා.කොයි වැඩෙ කලත් අවිශ්වාශයෙන් ඒ දිහා බලන්න පුරුදු වෙලා දැන් අවුරුදු හතලිහක් පනහක් වෙච්ච ජාතියකට............මේ අඩුකිරිල්ල අස්සෙත් මොනවා හරි කෙන්ගෙඩියක් තියෙනවා කියලා  විශ්වාසයක් නම් ඇතිවෙනවා.
අපේ ගෙදර රෙදි දමලා තිබුන කබඩ් එක අද උදේම ප්‍රිජ් එකක් වෙලා ! ආශ්චර්ය කියලා කියන්නේ ඒකයි.
ඉන්ධන මිල පහල බැහපු එක අපිට දැනෙන්න ගැමුණු මොකක් හරි ප්‍රකාශයක් කරන්න එපාය. මනුස්සයා කියයි ටයර් ගණණ් වැඩියි. ස්පෙයාර් පාර්ට්ස් ගණණ් වැඩියි. ඒක හින්දා නග්ගපුවා බස්සන්න බැහැ කියලා. එතෙක් ඉතින් අපි සුපුරුදු පරිදි 25%ක් පයින් ගිහිල්ලා ඉතිරි ටික යන්න බස් එකට නගිනවා.
මේ වැඩේ සල්ලි නැතිකමට කරන වැඩක් එහෙම නෙමෙයි.වෛද්‍යවරයාගේ උපදේශය පරිදි කරන වැඩක්. ක්ලෙස්ට්‍රෝල් -සීනී   පාලනය කිරීම සදහා හොද ප්‍රතිකාරයක්.
කවුදෝ කෙනෙක් ගිය සතියේ ඉරිදා පත්‍රයකට ලියලා  තිබුනා රාජ්‍ය නායකයා ගිය ගිය තැන ළමයි උස්සනවා. ඒක ආදර්ශයකට අරගෙන රටේ මිනිස්සු ළමයි උස්සන්න පටන් අරන් කියලා. මේ මාධ්‍යවේදීන්ට හිතෙන ඒවා. ඒත් අපි ඉතින් ලොකු මිනිස්සු අනුගමනය කරන්න කැමතියිනේ. ලොකු එකා හිටගෙන කරන දේ පුංචි එකා කරන්නේ දුව දුවනේ.

මාධ්‍ය උන්නැහේලා කාලෙකට නයි අරිනවා. නලගන ලා අල්ලගෙන. කාලෙකට ළමයි උස්සනවා. ළමෙකුට විනෝද ගමනක් යන්න බැහැ. ලොකු හෙඩිමයකිනි තුන් දෙනෙක් හතර දෙනෙක් අතුරු දහන් වෙලා කියනවා. හොයන්නේ බලන්නේ නැතිව “ පච ” දිග  අරිනවා. මෙයාලා එක -  අටට හිදලා ( අට එකට හිදලා නෙමෙයි )  අපිට මවලා දෙන්න දක්‍ෂයෝ අපි මුලා වෙනවා. අන්තිමට වෙච්ච දෙයක් නැහැ. 

හූවේ ඡණ්දෙනේ ! අපි හාවක් හූවක් නොකර ඉමු.  21 වෙනිදා පාන්දරට අඩුකරපු එළියෙන් ප්‍රතිපල බලා ගන්න බැරියැ.

notes of imaginary

Sunday, September 14, 2014

දාලා බලනවද ? බලලා දානවද - What ‘s your policy ?. 2


විචාරක ලියලා තිබුනා දාලා බලනවද  -  බලලා දානවද කියලා වියමනක්. විචාරකට ඕන වුනේ කමෙන්ට්ස් ගැන එයාගේ ප්‍රතිපත්තිය පල කරන්න.

මට මේ ලිපිය කියවන කොට මතක් වුනේ අපිට AL පන්තියේදී APPLIED  සහ PHYSICS උගන්වපු අපේ සර්. එතුමාට තිබුනා දාලා අහක්ලා බලමු කියන පුරුද්දක්. ඔය සමීකරනයක් වගේ තැනකදී ආදේශයක් කරන කොට ආදේශය කරන්නේ අපි මේක දාල අහක්ලා බලමු කියලා. වැඩේ හරි ගියොත් ගොඩ. මාත් අනෙක්වා කොයික නැතිවුනත් ඒ විෂයයන් දෙකෙන් ගොඩ ගියා.

සර් ගැන මතක් වුනාම පංතියේදී උන දේවල් ගැන ලියන්න මතකය අවදි වෙනවා
ඊට ඉස්සෙල්ලා විචාරකගේ කතාවට පොඩි ඌණ පූරණයක් කරන්න හිතුවා. නැත්නම් මේ වියමන දිග පලල අඩුවෙන හින්දා. පනින්නට පෙර සිතා බලන්න කියලා කතාවක් තියෙනවා . දාලා බැලිල්ලෙයිබලලා දැමිල්ලෙයි හොද නොහොද සොයාගන්න මේ කතාවෙනුත් පොඩි තල්ලුවක් ගත්තොත් හොදයි කියලා මම හිතනවා. ගින්දර ගොඩක් තියෙනවා.මේකට අත දාන්න හිතෙනවාවිචාරකගේ තියරියේ හැටියට දාලා බැලුවොත් .................මොකද වෙන්නේ ?. පුච්ච ගන්න වෙනවා. එතනදී දාලා බැලිල්ල අනතුරුදායකයි. ගෙදර දොරේදී නම් දාලා බැලිල්ල ගුණදායකයි. ්‍රතිචාර බලලා තමුන්ගේ වැඩේට බහින්න පුළුවන්.නැත්නම් වැඩේ අත්හරලා මොනවත් නූනා වගේ ඉන්න පුළුවන්. මෙතෙන්දී  පනින්න පෙර සිතා බලන්න කියන එකටත් ගැලපෙනවා.

ඔය ප්‍රතිපත්ති සම්ප්‍රදාය කියන ජාති අවස්ථාවේ හැටියට වෙනස් කරලා ආයෙත් අළුතින් ප්‍රතිපත්ති සම්ප්‍රදායන්  හදා ගන්න ඕනී. නැත්නම් ජීවිතේ පවත්වා ගෙන යන්න බැරිවෙනවා. අතර මගදී හිර වෙනවා. අපේ උත්තරීතර ලියවිල්ලත් ප්‍රතිපත්තියක්නේ !. මොකක්ද ඒකට වෙලා තියෙන්නේ ?.කරලා තියෙන සංශෝධන ගණන මතකත් නැහැ.මෙහෙ එහෙම උනාට ඇමරිකාවේ එහෙම නැහැ. කොටින්ම ලිඛිත ව්‍යවස්ථාවකුත් නැහැ කියලානේ කියන්නේ. ( ඔය ලිඛිත ව්‍යවස්ථාවක් නැත්තෙ ඇමරිකාවෙ නෙමෙයි එංගලන්තෙ. එංගලන්තෙ ව්‍ය්වස්ථාව කියන්නෙ ඔටුන්නෙ බලය සහ තවත් නීති පද්ධතියක එකතුවක්. අන්න ඒ නිසයි ලිඛිත ව්‍යවස්ථාවක් නෑ කියන්නෙ.  - කමෙන්ට්ස් වලින් මේ නිවරදි කිරීම ආවේ. මම මේ වියමන edit කලත් මගේ වරද එහෙමම තියෙන්න අරිනවා.)

මම ආයෙත්  මගේ AL පන්තියටම යනවා. ගිය මාසේ දවසක අපේ පන්තියේ හිටපු කෙල්ලෙක්  ඒකිගේ මුළු පවුලත් එක්කම හමුවුනා. ඒකිගේ පුතා අපේ ගෙවල් ගාවයින් කසාදයක් කරගන්නව. පදිංචිය කොළඹ - කොල්ලාගේ කෙල්ල වෙඩින් එක ගන්නේ බෙලිහුල්ඔය තානායමේ. ඉතින් දුර ගෙවා ගෙන  පාන්දරින්ම එන්න බැරි නිසා මතක් වුනා පංතියේ හිටපු යියාව “  යියට සිද්ධවුනා ඒකිගේ නව පරපුරටත් සහෝදර පරපුරටත් නවාතැන් පහසුකම් සලස්වන්න.

APPLIED   සහ PHYSICS උගන්වපු අපේ සර් ආයෙත් මේ හමුවත් එක්ක මතක්වුනා.එදා අපි හිටියේ   lab  එකේ. පාඩම යන අතර විසේ ඇති මම පහන් දැලි ටිකක් ඇගිලි දෙකක උලා ගෙන මේ කෙල්ල ලගට පිටුපසින් ගිහින් කම්මුලට ලගින් ඇගිලි දෙක තියගෙන කතා කලා කෙල්ල මුහුණ පිටුපස්සට හැරෙව්වා. කම්මුලේ මගේ ඇගිලි දෙක වැදුනා. කෙල්ලගේ කම්මුලේ දැලි තැවරුනා. උන ඇබැද්දියට ප්‍රතිචාර දක්වන්න   හිතා ගත්ත කෙල්ල අත්ල පුරා දැලි තවරා ගෙන ගිහින් තිබුන හදිස්සියට මම කියලා හිතගෙන සර්ගේ මූන පුරා දැලි තැවරුවා. මම බේරුනා. 

සර්ගේ හොදකමට අපි දෙන්නම බේරුනා. දැන් කාලේ නම් ගෝලයෝ දෙන්නට  නතර වෙන්න වෙන්නේ ගෙදර .
මේ හාදකම දාලා බැලිල්ලක් නෙමෙයි. බලලා දැමිල්ලකුත් නෙමෙයි.
එහෙම දාලා බලාපු තැන්වලින් පස්සේ කාලේ  අත්දෙක පුළුස්සා ගන්න සිද්ධවුනා. බලලා දමන්න ගිය තැන් වල හිරවුනා.

විචාරකගේ මාතෟකාව උදුරා ගන මම දාලා බැළුවට අවුලක් වෙන එකක් නැහැනේ.

notes of imaginary

Monday, September 08, 2014

බිල්ලට දුන් ගිණි හුලෙහි ඔය. ( බෙලිහුල්ඔය)

අර්නස්ට් හේකල්(Ernst Heinrich Philipp August Haeckel 

අපි ගැන අපි කතා කරනවා අඩුයි.
රට වටේ ගිහින් තොරතුරු එකතු කරගෙන ඇවිත් ලියුවත් හැමදාමත් ජීවත් වෙන පරිසරය  වට පිටාව ගැන ලි‍යවෙනවා අඩුයි කියලා මීදුම හිතුවා. අද යොමුවන්නේ අපේ පරිසරය හා වටාපිටාව ගැන කතා කරන්න.
බෙලිහුල්ඔය කියාපුවම මතක් වෙන්නේ බෙලිහුල්ඔය තානායම.පන්සල  (කරගස්තලාව ශෛලගංගාරාමය) කතොලික පල්ලිය  හැරුනාම බෙලිහුල්ඔය තියෙන ඓතිහාසික ස්ථානයක් වන්නේ ‍බෙලිහුල්ඔය තානායමයි. වර්තමානය වන විට දේශිය සංචාරකයන් අතරට බෙලිහුල්ඔය තානායමට අමතරව තවත් සංචාරක නවාතැන් කිහිපයක්ම එකතු වෙලා.

”පර්ල් “ සහ “සැවින්රා” මේ අතර ජනප්‍රිය සහ පහසුකම් සපිරි සංචාරක නවාතැන් දෙකක්.

දර්ශනවාදියෙක් විද්‍යාඥයෙක් වන අර්නස්ට් හෙකල්  Ernest Haeckel  (1880-81 ) දී සංචාරකයෙක් විදියට ලංකාවට එනවා. ඒ ඇවිත් සංචාරක සටහන් ඇතුලත් කර A VISIT TO CEYLON  කියලා ලියන පොත “ ලංකාවට ගමනක් “ කියලා චානක සේනානයක විසින් සිංහලට පරිවර්තනය වෙනවා.

මේ පොතේ බෙලිහුල්ඔය ගැන සදහන් වෙනවා.

අර්නස්ට් හේකල්(Ernst Heinrich Philipp August Haeckel )  ගැනත් කියන්න ඕනී. ඔහු ජර්මන් ජාතිකයෙක්. 1834 පෙබරවාරි මාසේ 16 වෙනිදා උපත ලබා 1919 අගෝස්තු මාසේ 9 වෙනිදා මියයනවා  ඔහු  ගත් කතුවරයෙකු වෛද්‍යවරයෙක්,ජීව විද්‍යඥයෙක්, පරිසරවේදියෙක්,දාර්ශණීකයෙක්,මහාචාර්යවරයෙක් සහ චිත්‍රශිල්පියෙක් ලෙස ප්‍රසිද්ධියට පත්වෙනවා.

මේ කියන කාලවකවානුව  වර්ෂ 1880 – 81. ක

අර්නස්ට් හෙකල්  ශ්‍රී ලංකාවේ ගත කරන කාලය අවසන් වෙන්නේ   නුවරඑලියෙන් පිටත්ව හෝර්ටන් තැන්න හරහා වැටී ඇති මාර්ගයෙන් බෙලිහුල්ඔටත්,  එතැනින් රත්නපුරයට පැමිණ පාරුවකින් කළුගග දිගේ කළුතරට පැමිණීමෙන්. කළුතර සිට ගොඩබිමෙන් කොළඹට පැමිනෙන අර්නස්ට් හෙකල්  නැවි ගත වෙනවා. 

නුවරඑලියේ සිට බෙලිහුල්ඔයට අදත් ලෝකාන්තය හරහා පැමිණිය හැකියි. ලෝකාන්තයත් බෙලිහුල්ඔයත් අතර දුර කි.මි 14 පමණ තිබෙනවා. මේ දුර ගෙවා පැමිණි අර්නස්ට් හෙකල් නවාතැන් අරන් තියෙන්නේ බෙලිහුල්ඔය තානායමේ.

අර්නස්ට් හෙකල් එදා දුටුව බෙලිහුල්ඔය අද නැහැ. ජනගහනයේ පිපිරීමත් එක්ක පරිසරය දේශගුණය විනාශවෙලා. අවුරුදු 134 ක් තිස්සේ පරිනාමයවු සමාජය නවීකරණය වෙලා. 

“ අර්නස්ට් හෙකල් හෝර්ටන්තැන්න සංචාරය අවසන් කරලා බෙලිහුල්ඔයට එන්නේ නොන්පෙරියල් වත්ත හරහා. ඔහුට නොන්පෙරියල් වත්තට එන්න පැය පහක් විතර ගතවෙලා තිබුනා එදා නොන්පෙරියල් වත්ත සරුසාර කෝපි වගාවක්.කෝපි වගාව විනාශ වීමෙන් පසුව තේ වගා කරනු ලදුව සරුසාර තේවත්තක් ලෙස අපි කුඩා අවදියේ දුටු  (1955)නොන්පෙරියල් වත්ත අද නිසරු තේ වගාවක් දක්වා වෙනස් වෙලා. එදා වගාභුමිය අක්කර 1200ක් විතරවු මේ වගා බිම  අද වන විට අක්කර 200ක් තරමට කුඩා වෙලා.

1881පෙබරවාරි 25 දා බදුල්ලෙන් ඇරඹි බටහිර දෙසට විහිදෙමින් රත්නපුරය දෙසට ලගා වෙන සුප්‍රකට මාර්ගයේ වඩාත්ම උසින් පිහිටි නවාතැනවු යේ බෙලිහුල්ඔය යි, 
නුවරඑලියේ සිට හෝර්ටන් තැන්න හරහා හේකල් බෙලිහුල්ඔයේ නවාතැන් ගන්නවා.  පසුව බදුල්ල- රත්නපුර මග  ඔස්සේ රත්නපුරයට යනවා. 

එදා බදුල්ල - රත්නපුර මාර්ගය බදුල්ලේ සිට කෝපි පලදාව කොළඹට ගෙන යාමටත් වැවිලිකරුවන්ගේ වෙනත් අවශ්‍යතා සදහාත් වැඩියෙන් භාවිතා වී තිබෙනවා. මේ මාර්ගයේ එකම ප්‍රවාහණ පහසුකම  වී ඇත්තේ කරත්තයයි. කරත්තකරුවන් උදෙසා නවාතැන් පහසුකම් සැලසු “ගාලේ කඩේ” නම් ගත් ස්ථාන මේ මාර්ගයේ පලින් පල හමුවෙනවා. මේ මගෙහි  “ගාලේ කඩේ “ යයි පැරණි නම භාවිතා වන නිවෙස් තවමත් ඇති බව සටහන් කල යුතුයි.
රත්නපුරේ සිට පාරුවෙන් ‍කළුතරට ප්‍රවාහණය වන බඩු බාහිරාදිය කළුතර සිට යලිත් කරත්ත කරුවන් විසින් කොළඹ දක්වා ගෙන ගිය බවයි අර්නස්ට් හෙකල් සටහන් කරන්නේ.

හේකල් සදහන් කරනා ආකාරයට බෙලිහුල්ඔය ට නම ලැබී ඇත්තේ “බිල්ලට දුන් ගිණි හුලෙහි ඔය” කියනා අර්ථයෙනුයි. ඒත් වෙනත් අර්ථකථනයන් බෙලිහුල්ඔය කියන නමට තියෙනවා. (කියවන්න   මේ ලිපියත් කියවන්න. 
බෙලිහුල්ඔය ගමට මේ නම ලැබී ඇත්තේ සානුවේ දොරුවක් මැදින් ගලා බසින කදුකර දොල  පහර නිසාවෙනි .  අතු ගංගා කිහිපයක් ඇරුන විට මෙම දොළ පහරේ මුලාශ්‍රයන්  හෝර්ටන් තැන්නෙන් ඇරඹෙනවා. මේ මුලාශ්‍රයන් එකතුවී පසුව සැඩ පහරක් ලෙස ගලා බසින මෙම දිය පහර  පටු ඕඩ  සරුවට වැඩුන පලාවන් වියනාන් වැසී ඇති බිම ඔස්සේ . බටහිර දෙසට මුහුණ ලන ප්‍රපාතාකාර ගල් බිත්ති අතරින් රිංගා ගලා බසිනවා.  මෙම ඇල දොළ නිසා මේ අවට භුමි ලක්‍ෂණ වඩ වඩාත් උදාර හා සිත් ගන්නා සුළු බවට පත්වෙන බව හේකල් ලියනවා.  

“නන්පෙරියල් වත්තේ සිට පැමිණි විට මෙම ප්‍රදේශයයේ ස්වභාව සෞන්දර්යෙන් කෙතෙක් වසග වුවාද යයි කිවහොත් මේ ගමේ  දින කිහිපයක් නතරවීමට අප තීරණය කලෙමු. කියන හේකල් අද බෙලිහුල්ඔයට පැමිණියෝත් ස්වභාව පරිසරයට ඇතිවී ඇති විනාශය දැක කම්පාවට පත් වෙනවා ඇති.

notes of imaginary