Sunday, January 26, 2014

නිදිමරන්නාට - රාත්‍රීය දිගය 2.





නිදිමරන්නාට -  රාත්‍රීය දිගය
ගමන් ගොස් වෙහෙසුනට - යොදුන දිගය
සද්ධර්මය නොදන්නාවු  - මෝඩයිනට සසර දිගය

දීඝා ජාගරතො රත්තී - දීඝං සන්තස්ස යොජනං
දීඝො බාලනං සංසාරෙ - සද්ධම්ම අවිජානත

ධමම පදය - බාල වග්ගය.


මේ විකාර පිරි අව - මංගල්‍ය  පිළිබද සටහන් දැන් අවසන් කලයුතුය.

 අව - මංගල්‍ය ලෙස මෙ විකාරය හැදින්වුයේ  මංගල්‍යයක් ලෙස මළ ගෙයක කටයුතු පවත්වන නිසාවෙනි. අගහරුවාදා   , සිකුරාදා අවසන් කටයුතු සිදුකිරීම බෞද්ධයන් අකමැතිය. සතියේ ඕනෑ දවසක උපදින්නට වරම් ඇති අපිට අවසන් කටයුතු සදහා මේ දවස් දෙක සුබ නැත.  මෙලෙස සිතන්නේ හිණ්දු අභාසයෙන් විය යුතුය. 

සමහර උදවියට සිරුර දින දෙක තුනක් නිවසේ තබා ගත යුතුය. නැත්නම් එය මදි කමකි . මළ ගෙවල් වල සංග්‍රහ කටයුතුද  බෞද්ධ අභාසයක් නොවේ. එයත් වෙනත් ආභාසයක්ය.

අව - මංගල්‍ය උත්සව සදහා දැන් ඇඳුම් මෝස්තර ද තිබේ. බෞද්ධයන් ට නම් ඇදුම් සුදු පාට ය.  ඒ අනුව, සුදු සාරි, සාය - හැට්ට, කමිස කලිසම් ඇඳ, ඒවාට ගැලපෙන සුදු සපත්තු - සෙරෙප්පු, හෑන්ඩ් බෑග් හා මාල - වළලු - කරාබු ආදිය ද පැලද යායුතුය. අනෙක් ආගමිකයෝ තම ආගම් අනුගමනය කරන ඇදුම් සකස් කර ගනු ලැබේ.

එමෙන්ම තවත් අළුත් මෝස්තරයක් වී ඇත්තේ බැනර්ය . ඒ නිසා මරණ ගෙදරට සහභාගි වනවා සේ ම බැනර් ගැසීමත් සිදු විය යුතු ය.  "බැනර් එක ගෙනාවාද?" කියා  නිවසියන් වුණත් අසන්නට ඉඩ තිබෙන නිසා ඒය නම් අමතක නො කළ යුතුය.   දැන් දැන් සමහර පුද්ගලයේ තම සංවේගය පලකරන බැනර් දෙක තුනක් නිවසේ තබා ගෙන තිබෙනවා වියමන් කරු දැක ඇත.  ඔවුන් මළ ගෙදර ගියත් නොගියත්  බැනර් එක ප්‍රදර්ශණයට යවීම නම් අනිවාර්යෙන්ම සිදු කරන්නේය.  බැනර් එකක් ගසා ගන්නට ඉඩක් නැති තරමට මළනිවසේ පරිසරය බැනර් වලින් විචිත්‍රවත්ව ඇත්නම්  , එයින් ප්‍රකාශිත වන්නේ මැරුණු පුද්ගලයා හා ඔහුගේ දරුවන් සතුව සැලකිය යුතු මහජන සම්බන්ධකම් ප්‍රමාණයක් ඇති බවය.  

ඒවායේ තිබෙන පාඨ ද කියවීම රසවත් ය. අවසන තඩි අකුරෙන් සංවේගය ප්‍රකාශණය කරන පුද්ගලයින් ගේ නම් සදහන්ය.


අවසන් කටයුතු  සිදුකරන අවස්ථාවේ  ස්තුති කතාව සමග හෝ ඊට පෙර .  මියගිය අය ජීවත්ව සිටියදී කරන ලද සමාජ සහ ආගමික සේවාවන්  සහ  උපන්දිනය  අධ්‍යාපනය ලැබු ආයාතන  රැකියාව , නිවේදනයක් ලෙස කියවන්නේ හමුදා භටයෙකු ගේ අවසන් කටයුතු වලදී කරන කියවන නිවේදනක් පරිද්දෙනි. මෙය අළුතින් එක්වු අංගයකි.  ඉන් පසු ආගමික කටයුතු පවත්වා පැවිදි අනුශාසනා ගිහි කතා අවසන් වන විට  මළහිරු බැස යන හැන්දෑයාම   ය එළඹි ඇත.

මේ හැම අනුශාසනා සහ ගිහි කතා ඉතාමත් කෙටියෙන්  පවත්වන බව පවසමින් ආරම්භ කරන අතර ඒවා පැය භාගයක් වත් දිගට ඇදී යන්නේය. 

සභාව ස්තුති කතාවට  යොමු වී එම  කතාවේ  අනිවාර්යෙන්ම  ආ ගිය දේශපාලන තක්කඩියන්ට  තැනක් හිමිය. සමහර විට සියළු කටයුතු වලට සහය දී මළ නිවසේ රැදී සිටි අසල්වාසීන් මේ කතාවෙන් නොදෑනිම හැලී ගොස් ඇත.

අපට මෙන්ම මේ කතා අසා සිටින විට මලවුනටද සිනහා පහල නොවන්නේ නම් පුදුම විය යුතුය.





notes of imaginary

5 comments:

Online Doctor Sri Lanka said...

වටින කතා කීපයක්ම තියෙනවා, ඉස්සරහටත් ලියන්න..

Wicharaka Asami Dakimi Soyami said...

මටත් ඔබ කිව්වට පස්සේ හිතෙනවා හමුදා අවමගුල් චාරිත්‍ර වලින් වෙන්න ඇති අර විදිහට මියගිය කෙනාගේ විස්තර කියන්නේ කියලා. හමුදාවෙනම් කරන්නේ හමුදා අවමංගල චර්යා නියෝග අනුව කටයුතු කිරීමයි. එය හමුදා රෙගුලාසි අනුව කෙරෙන්නක්. බැනර්වල ලියලා තියන විප්‍රකාර අර මියගිය මිනිහා දැක්කොත් වලෙන් නැගිටලා ඇවිත් බනිනවා යකෝ මරුනේ මමද තොපිද කියලා.

arugeadaviya said...

අපේ සරල ගති පැවතුම් හැම එකක්ම තව කොහෙන් හරි ආපු දෙයකින් අච්චාරු කරලා. උපතේ සිට මරණය දක්වා කතාව එහෙමවෙලා. මාකටින් ලෝකේ මෙළෝ හසරක් නැතිව වල්මත් වෙලා.

Anonymous said...

මම නම් කියන්නේ මම මැරිලා පැයය 24ක් යන්න කළින ්සියවම කටයුතු නිමාකොට ඉවර ඛල යුතුයි කියලා.
හදිසි අනතුරකින් මොලය මිය යාම නම් , වකුගඩු ඇතුළු සියළු ජීවත් වෙන අයකුට ජීයවත් වන්න දෙන්න. හැකි නම් ඇට මිදුළු අක්මාව පවා.
නමුත් බහතරයක් මැරිලා දවසින් කරනවාටවත් නැමත් නැහැ. අපේ අම්මාවත්.
නමුත් හාමුදුරුවරුන්ටවත් මේ ගැන ආදර්ශයක් දෙන්න කැමති නැහැතඉතින් කාටද නියන්නේ.

Naleen Dilruksha said...

හොද අදහසක් මිත්‍රයා