පරිවර්ථනය - Translate සිංහල > TAMIL> ENGLISH

Friday, March 29, 2013

ඇමතිතුමාට .. ජයවේවා !.

ප්‍රාථමික පන්තිවලදී එකට හිටිය බින්දුසාර ටයි මට යි පහවසරේදී වෙන්වෙලා යන්න සිද්ධවුනේ මගේ පාසල් මාරුව නිසා. ජීවිතේ වටිනාකම් වැඩිකරගන්න සහතික හොයා ගන්න ගිහින් අතරමංවුන මට අද බින්දුසාර ගේ නම දකින්න ලැබෙන්නේ මාධ්‍ය තුලින්.

බින්දුරයි  මමයි අහස පොලොව වගෙයි. බින්දු සාරගේ නම පාසල් නාමලේඛනේ  වීරසේකර මුදියන්සේලාගේ නවරත්න බංඩාර .  ඔහුට පාසල්කාලේ  මේ නම ලැබුනේ අපේ මුල්ගුරුතුමාගෙන්.

හැමදාමත් පන්තියේ අන්තිම ඉදන් පළවෙනියා වෙන බින්දුසාර සමහර විෂයයන්වලට බින්දු ගන්නත් සමත්වෙනවා. එක වාර විභාගයක් අවසානයේ මුල්ගුරුතුමා අතින් රිපෝට් එක ගන්න ගියාම “ෂා ! මේ පාරත්  බින්දුවලින් සාරයිනේ”  කියලා  , මුල්ගුරුතුමා විසින් වීරසේකර මුදියන්සේලාගේ නවරත්න බංඩාර  බින්දුසාර නමින් භෞතීස්ම කෙරුවා.

අපි ලියන රස්සාවක් හොයාගෙන කන්තෝරුවක මහත්තැන්කෙනෙක් වෙන්න දගලන කොට බින්දු  ගමේ ඉරුම්කාරයෙක් එක්ක පලංචිවල උදව්වට ගියා.  පස්සේ  දක්‍ෂ ඉරුම්කාරයෙක් වෙලා තව කවුරුවත් හවුලට තියාගෙන ඉරුම් බාස්කෙනෙක්වුනා. යන්තම් ලියනමහත්තෙක් වෙලා කන්තෝරු රස්සාවක් හෙයා ගෙන බත් මුලත් බැදගෙන හම්බෑග් එකත් අරගෙන ගමේ ගුරු පාරදිගේ පාන්දර උජාරුවෙන් නගරයට ගාටන සමහර දවස්වල ඉරුම් ආම්පන්නත් අරගෙන මුණ ගැහෙන බින්දු  “මහත්තයා රාජකාරියට යනවා වෙන්නනැති ” කියලා හිනාවක් දාගෙන මාරුවෙනවා.

බින්දු  ගම් ඉස්මත්තේ කැලෑවට පෙම් බැන්දා . පා‍ගන බයිසිකලයක්  , නයින්ටියක් , රුක්මනී මොඩල් හයිඒස් එකක් එල් ත්‍රී හන්ඩර්ඩ් එකක්  හරහා ගමන් අරඹපු බින්දු දැන් ඉස්සරහින් පස්සෙන් පරිවාරක රථ පෙළක් තියා ගෙන මැද්දේ මම නමවත් දන්නේ නැති වාහනේක පිටිපස්සේ ආසනේ පත්‍රයක් පොතක් කියවමින්  විවේකීව ගමන් බිමන් යන කොට අපිව අපි කළු වීදුරුවෙන්වත් දකින්නෙත් නැතිව ඇති. බින්දු මාව පහුකරගෙන කන්බිහිරි කරන සයිරන් නලාවක් සද්ද කරගෙන යන හැම වරෙකම මම හිතුවා.

මම එහෙම හිතුවත් මහ චන්දෙකට ඔන්න මෙන්න කියලා  බින්දුගේ ආරක්‍ෂක හමුදාවේ භටයෙක් “මේක අපේ ඇමතිතුමා ඔබතුමාගේ අතට දෙන්නම කියලයි දුන්නේ “කියලා  මට ගෙනත් දුන්න ආරධනා පත්‍රයකින් මම ඒ සිතිවිල්ල වෙනස් කරගන්න සිද්ධවුනා. බින්දුට අපිව මතකයිනේ එහෙනම්. මම හිතුවා.

මාසේ අන්තිමට ලැබෙන සොච්චම වියදම් කරන්නේ කොහොමද කියලා මාසෙම කල්පනා කරන මට ඔය චන්ද ගැන, මානව හිමිකම් ප්‍රජාතන්ත්‍රවාදය  කියන එවා ගැන හාංකවිස්සියක්වත් හිතෙන්නේ නෑ. ඒවා ඔක්කොම ප්‍රජාචාර පොතේ පාඩම් විතරක් වෙලා තියෙන්නේ. කන්තෝරුව ඇරිලා හවස ගෙදර ගිය  මම  කෝක වුනත් කමක් නෑ කියලා හිතාගෙන  මගේ  මුලික අයිතිවාසිකම් සියල්ල අත්අඩංගුවට  ගෙන තියෙන පියබිරිද වෙත  මේ ආරධනාව ඉදිරිපත් කලා අදහස් විමසන්න.එතුමිය වහාම අණ කලා මේ ආරධනාව පිලිගන්න කියලා. ඇමතිතුමාගේ ආරධනාවක් නේ !.

මාත් ඉතින්  නියමිත දවසේ  බින්දුගේ මාළිගා පරිශ්‍රයේ වෙනම ඉදිකරලා තිබුන රැස්වීම් ශාලාවේ වෙන්කරලා තිබුන පුටු පේලියේ ඉස්සරහින්ම වාඩිවුනා.බින්දුගේ අවධානය ගන්නත් එක්ක. ටික වෙලාවකින් ආරක්‍ෂක භටයෙක්ගේ නියෝගයක් නිසා මට පේලියක් දෙකක් පිටිපස්සෙන් වාඩිවෙන්න සිද්ධවුනා ඒකත් හොදයි කියලා  දෙපැත්තේ ඉන්න දෙන්නත් එක්ක කතාවට වැටුනා. ඇමතිතුමාගේ තත්වේ මේපාර නම්  හොද මදි කියලයි ඒ දෙන්නගේ කතාවෙන් මට හිතුනේ. පරදින්නත් බැරි නෑ ඒ ගොල්ලා ප්‍රතිපල විශලේෂණයක් කරනවා මම අහගෙන හිටියා.

නියමිත වෙලාව පැයක් විතර‍ ඉක්මවෙලා ඇමතිතුමා අසනාරූඩ වුනා. සභා ශාලාවේ ආසන එකින් එක ගනින්න වගේ බල බලා හිටිය ඇමතිතුමාට මාව නිරීක්‍ෂණය වුන බවක් පෙනුනේ නෑ. මට ඒ ගැන සංවේගයකුත් ඇතිවුනා.

දැන් එක එක දේශනා පවත්වනවා. එතුමාව මහමැතිවරණයෙන් ජයග්‍රහණය කල යුතු හේතු දක්වලා. එතුමා කරලා තියෙන සේවයක් ! . ජීවිත කාලයක් කන්තෝරුවක කුරුටු ගාන මට, එතුමා  අවුරුදු පහකට කරලා තියෙන වැඩ කන්දරාව අහලා පුදුමයි. ඔය කතා අතරේ මතකයේ ඉතිරිවුන එක ඉල්ලීමක් සහිත සාධාරන කතාවක් නිසාවෙන් මමත් එතුමාට සයෝගය දක්වන්න ඔනී කියලා අන්තීමේදී තිරනය කලා.

මේ ඊසෝප්ගේ කාලේ සිද්ධ වුන දෙයක්.   ඊසෝප්ටත් ඕන කතාවකට හිටියේ සත්‍ව චරිතනේ.
ඔන්න එක නරියෙක් ගගකින් එතර වෙන්න යනවා. එදා කන්දට වැහැලා වතුර වැඩිවෙලා ගග ගලන වේගෙත්  සැඩ පහරත් වැඩියි. ගැඹුරු  වක්කලමකට අහුවුන නරියා ඔළුව උඩ තියාගෙන වක්කලමේ කැරකෙනවා. මේ ජරමර අස්සේ නරියාගේ ඇගේ හිටපු කිණිතුල්ලෝ රොත්ත නරියාගේ හොම්බ ගාවට රොක් වෙලා. මේ සිද්ධිය බලා ගෙන හිටපු ඉත්තෑවෙක්  ගං ඉවුරට  මෙගාපෝන් එකක් ගෙනත් සද්දේ දාලා අහනවා “යාළුවේ යාළුවේ කිණිතුල්ලන්ගේ කරදරෙන් බේරෙන්න උන් ටික ගලවා දාමුද”  කියලා .

නරියා කැරකෙන ගමන්ම කියනවා” ඒක නම් කරන්න බෑ . මුන් මගේ ඇගේ ලේ ටික බීලා තියෙන්නේ ආයෙත් ‍ බොන්නේ නෑ  මුන්ගේ බඩ හොදටම පිරිලා”.කියලා  ඒකට කමක් නෑනේ ඉත්තෑවා උත්තර බදිනවා.

ඉත්තෑවෝ උඹ දන්නේ නෑ “මුන් ටික ගලවා දැම්මොත්, යන්තම් හරි බේරිලා ගොඩට එන්න පුළුවන් උනොත් ආයෙත් අළුත් කට්ටියක් ඇගට ගොඩ වෙලා ඉතිරි ලේ  ටිකත් බීලා දායිනේ  “  කියලා නරියා ගොඩ එන්න ට්‍රයි කරනවා.

නවරත්න බංඩාර ඇමතිතුමාට  .............
ජයවේවා!.


notes of imaginary

Friday, March 22, 2013

ආපසු බැළුවෙමි.




දවසක මම අපේ පන්සල  කියලා වියමනක් කලා.  අපේ පන්සල කියලා ලියුවත් අපේ රටේ  පන්සල් ගැන හිතලයි වියමන වියමන් වුනේ වියමන කියවපු සහෘදයෙක් ප්‍රතිචාර දක්වලා තිබුනා. “ නොලියා හිටියා නම් හොදයි “ කියලා. ඒක ඇත්ත. බහුවිධ ආගමික සමාජයක ජීවත් වෙන අපි ,  අපි අනුගමනය කරන දර්ශනය හෑල්ලු කරගන්න හොද නැහැ. මම බෞද්ධාගම දකින්නේ දර්ශනයක් ලෙස වැදුම් පිදුම් කරන්න ඕන ප්‍රදර්ශණ භාණ්ඩයක් ලෙසින් නොවෙයි. බුදුන් වහන්සේගේ දේශනා   තේරුම් අරගෙන අනුගමනය කරන්න ඕනී. එතකොට අපේ ජීවිත ගමන් කල යුතු නිවරදි  මංපෙත පැහැදිලි වෙනවා
.සතියේ සටහන වෙන් වෙන්නේ එදා ලියු වියමනේ මා විවේචනයක් ලෙස  දුටු  භික්‍ෂු සමාජයේ වර්තමාන පැවත්ම පිලිබදව.

 ඉතිහාසයේ සිට භික්‍ෂුවගේ පැවත්ම  යාවත්කාලීනවී අද වන විට භික්‍ෂුව සිටින්නේ කොතනද?. සිටිය යුත්තේ කොතනද ? යන්න මීදුමට හිතා ගන්න බැහැ.භික්‍ෂු යන්න සස්කෘත භාෂාවෙන් සහ භික්ඛු යන්න පාළි භාෂාවෙන් තේරුම භික්‍ෂාවෙන් යුතුව ජීවත් වෙන්නා ලෙස දහම් පාසලේදී පැහැදිලි කරලා දීලා තියෙනවා. සංසාරේ බිය දකින්නේ භික්‍ෂාවෙන් යුතුව ජීවත් වෙන ඇත්තෝ.බුදුරජානන් වහන්සේගේ කාලයේ භික්‍ෂුන්වහන්සේලා  අහාර සොයා ගත්තේ පිඩු සිගා වැඩීමෙන්. තම සිවුරු සකස් කර ගත්තේ මළකදන් වල එතූ රෙදි කැබලි එක් කොට සකස් කර ගැණිමෙන්.ජීවත්වුයේ පාළුකැලැවල , ගල් ගෙවල් වල, මිනිසුන් විසින් අතුහරින ලද පැල්පත් ගෙවල් වල .බුද්ධ චරිතය කියවන විට බුදුහාමුදුරුවෝ මහා වෘක්‍ෂ යට ගංතෙර වල සිටි බව කියවෙනවා.
උන්වහන්සේ කෙරෙහි ශ්‍රද්ධාවෙන් යුතුව උන්වහන්සේ අනුගමනය කල ශ්‍රාවක භික්‍ෂුන්වහන්සේලා  උන්වහන්සේ අනුගමනය කල අපිස් ජීවිතයම අනුගමනය කරලා තියෙනවා.බුදුන් වහන්සේගේ කීර්තිය පැතිරෙත්ම  අපි ගෞතම බුදුහාමුදුරුවන්ගේ ශ්‍රවකයෝ “ කියා උන්වහන්සේගේ කීර්තිය තමුන්ටත් ආරෝපන කරගෙන වැජඹෙන්න අදහස් කරන පිරිස් මේ අතර ඇති  වෙනවා. ( දැන්වුනත් ඔය අපි අහවලාගේ මිනිස්සු කියලා අනෙක් අයට අඩන්තේට්ටම් කරන අය ඕන තරම් ඉන්නේ. )
මේ වෙනස් වීම මුලාශ්‍ර කරගත් කතාවක් මීදුම පාසල් යන කාලේ අහලා තියෙනවා.ගිහි ජීවිතයේ කිසිදු බරක් පතලක් නැති බුදුන් වහන්සේගේ ශ්‍රවකයෝ පියාපත් පමනක් ඇති කුරුල්ලෝ මෙන්  නිදහස්ව ස්වභාව ධර්මය තුල හුදකලාව , ස්වභාව ධර්මයට එක්ව ආගමික අරමුණක් උදෙසා පමනක් ජීවත්ව ගම් නියම් ගම් සිසරා  සංචාරක ජීවිතයක් පවත්වා ගෙන ගියා.
මේ කියන වකවානුව බුද්ධත්‍වයෙන් අවුරුදු විස්සක් වෙන්න ඇති. රජගහනුවර එක් සිටුවරයෙක් මේ භික්‍ෂුන්වහන්සේලා පිරිසක් උදෙසා පදිංචි වීමට ආරාම හැටක් හදා පුජා කරනවා. මෙතනින් එතුමන්ලාගේ  සංචාරක දිවිය අවසන් වනවා. නිවාස  සදහා ඇද මේස පුටු ලිං පොකුණු නිවසකට අවශ්‍ය අඩුම කුඩුම තඩලා ගෙන කුමන සංචාරයක්ද ?.මෙයින් වෙනස් වන්න  පටන් ගත් භික්‍ෂු සමාජයට ආමික අරමුණු සමග සමාජීය අරමුණු එක්වනවා. ස්වභාව ධර්මය බැදුන ජීවිතය සමාජය හා බැදුන ජීවිතයක්  බවට පත්වනවා. භික්‍ෂුචර්යාව වර්තමානය දක්වා වෙනස් වනවා,පාංශකූල චීවරය පට සිවුර දක්වා වෙනස් වනවා.  රුඛ්කමුල සේනාසනයට සත් මහල් ප්‍රසාද  දක්වා වෙනස් වනවා. ප්‍රතිමුත්ත හේසජ්ජයට  රසමසවුල් එක්විය .
බුදුන් වහන්සේගේ කාලයේ පැවදිවුවෝ එතුමන් කෙරේ ශ්‍රද්ධා භක්තියෙන් යුතුව පැවදි වුවෝය. පසුකාලීනව ජීවනොපායක් ලෙස පැවදිවුවෝද භික්‍ෂු සමාජයට එක්විය. මේ නිසා උන්වහන්සේගේ සමයේම භික්‍ෂු සමාජය වෙනුවෙන් ප්‍රඥාප්තියක් ඇති වීම සිදුවිය.
ඉතිහාසයේ භික්‍ෂුවට වඩා වර්තමානයේ භික්‍ෂුවට හුදකලාව පැවතිය නොහැක. එතුමන්ලාට දේශපාලනික උවමනාකම් ඇත. එතුමන්ලාගේ ජීවිතය ආචාරත්මක ප්‍රතිපත්තිමය සේවාමය හා සංකල්පමය ලෙස විශාල ලෙස විපර්යාසයකට පත්ව ඇත.උන්වහන්සේලා සමාජ අභිවෘද්ධිය තකා බුදුන් වහන්සේගේ දේශනා ගුරු කොට කටයුතු කල යුතු වුවත් වර්තමානය වන විට පෞද්ගලික න්‍යයපත්‍රයන්ට  අනුව කටයුතු කිරීම අර්බුදයක් ලෙස අපට පෙනේද ? යන්න මීදුමට ප්‍රශ්නයක් ව ඇත.





notes of imaginary

Sunday, March 17, 2013

මරණය ජොතිෂ්‍යය ඇසින්.

මරණය ජයගත්තේ ඔබ වහන්සේය.


අපට  නියමිත ආයු කාලයක්‌ වේ. ඉසිවරු එම ආයු කාලය අවුරුදු 120 කට සීමා කර ඇතත් අපේම වැරදි පැවතුම් නිසා ඊට වඩා අඩු ආයු ප්‍රමාණයකින් අපට මිය යන්න සිදුව ඇත. අපට අත්වන ආයු කාලය කොටස්‌ කීපයකට බෙදා දක්‌වන ඉසිවරු  එය බාලාරිෂ්ඨ, මධ්‍යායුෂ්ත දීර්ඝායු හා විපරිත වශයෙන් දක්‌වා ඇත.
ජොතිෂ්‍යයට අනුව එක්‌ එක්‌ ග්‍රහයා විසින් අපට හිමි  ආයු කාලය වූ අවු. 120 කොටස්‌ වශයෙන් බෙදා  ඇත.
එම භාරකාරත්වයේ වගකීම අනෙක්‌ ග්‍රහයන් වෙත පවරන්නේ චන්ද්‍රයා විසිනි. න්ද්‍රයාගේ  ගමන් රටාව අනුව නැකැත් 27 ක්‌ නියෝජනය කරමින් ආයු කාලය බෙදා ඇත.
සමස්‌ත අහස්‌තලයම කොටස්‌ 12 කට බෙදා යළි ඉන් එක්‌ රාශියක්‌ වූ අංශක 30 ක ප්‍රමාණය යළි රාශ්‍යාර්ධයේ සිට අංශක 30 න් 150 වැනි කොටස වූ නාඩිය දක්‌වා බෙදා දක්වයි.

අපි ඉන් එක්‌ ග්‍රහයකු ගෙන එම ග්‍රහයා අපේ ජීවිතය මෙහෙයවනු ලබන ආකාරය ගැන මඳක්‌ විපරම් කර බලමු.
·        ්‍ර මඬුල්ලේ ්‍රධානියා රවිය. මේ රවි විවිධාකාර අයුරින් අපේ ජීවිත ගමනට හවුල් වෙයි.ඔබේ කේන්ද්රයේ රවි ලග්නයේ නම් රවිට තමා සිටින රාශියේ අයිතියත්, නැකතේ අයිතියත්, දෘෂ්ටියේ අයිතියත් සංයෝගයේ අයිතියත් අනුව රවි ගේ ස්වභාවය එකිනෙකාට වෙනස්වෙයි.රවි ඔබේ කේන්ද්රයේ පළමු වන කොටුවේ හෙවත් ලග්නයේ සිටියේ නම් සිතුවිලි නපුරුය. ජීවන රටාව පහසුය. අඩුවෙන් කෑම ගනී. ඇස්පෙනීම දුර්වලය. ලග්නය තුලාව වී රවි ලග්නයේ වූයේ නම් යම් පමණකට අන්ධය. තරගයකදී පුරසාරම් දොඩයි. ඉතිහාසයත් කලාවත් ගැන දැනුම ඇත.
·        එම රවි (ලග්නයේ මේෂ වී) උච්චව සිටියේ නම් ඇස්පෙනීම හොඳයි. කීර්තිමත් වෙයි. ගුණ ගරුකයි. දැනුම ලබා ගැනීමට උනන්දුයි.·        ලග්නය මීන නම් ස්්‍රින්ගෙන් සැලකුම් ලබයි. ලග්නය සිංහ නම් රාත්‍රී අන්ධයෙකි. ශක්තිමත් සිරුරකි.
·        ලග්නය කටක වී රවි ලග්නයේ වූයේ නම් ඇස්වල සුද එයි.·        එම රවි කේන්ද්රයේ තුන්වැන්නේ නම් නිර්භීතය. දුෂ්ට මිනිසුන්ගේ ඇසුරට වැටෙයි. පොහොසත් වෙයි. නිදහස්මතධාරියෙකි.
·        එම රවි හතර වැන්නේ නම් හෘදය දුබලකම් වේ. මුදල් හීනය. පොදු අදහස්නැත. තද සිත් සහිතයි.·        එම රවි පස්වැන්නේ නම් චපල සිත් ඇති ඉච්චා බස්දොඩන්නෙකි. රජයේ සේවකයෙකි. කෙටි කලක්රටින් පිට ජීවත් වෙයි.·        රවි හය වැන්නේ නම් ලෝභයෙකි. එහෙත් නිර්භය කෙනෙකි. රාජ් ගෞරවය ලබයි. ්‍රසිද්ධියට පත් වේ.·        එම රවි ඔබේ කේන්ද්රයේ හත්වැන්නේ නම් ස්්‍රී වර්ගයාට ද්වේශ කරයි. කපටි අදහස්දරයි. නපුරු පැවතුම් සහිතයි.
·        එම රවි අට වැන්නේ නම් අමාරු දෙයට දක්ෂයෙකි. සිතින් ජය ලබයි. පියාගේ ආයු දුබල විය හැකිය.
·        එම රවි නවයේ නම් සිය ගුරුවරුන් අන්‍ය ලබ්ධීන් වේ.
·        රවි දහයේ නම් පරම්පරාගත වස්තුව උරුම වේ. කීර්තිය, අවබෝධය, ඉගෙනීම හා ශක්තිය වේ.
·        රවි එකොළහේ නම් සතුටින් ජීවත් වන කෙළෙඹියෙකි. රවි දොළහේ නම් විකලාංග ඇත්තෙකි. එහෙත් බොහෝ උත්සාහ වන්තයෙකි.·        බෘහත් ජාතකයට අනුව රවි කුජ, ශනි හත්වැන්නේ නම් ස්ත්‍රීන්ගේ සරදමට ලක්වන්නෙකි.·        රවි මේෂයේ උච්ච වූ විට ධනවත් . හමුදා ක්ෂෙත්‍රයක නායකයෙකි.
·        රවි සිංහයේ මුල ්‍රීකෝණ වූ විට හෙතෙම ජනතා ගෞරවය ලබයි.
·        රවි සිංහයේ ස්වක්ෂේත්‍ර වීමෙන් ඔහුට ලස්සන ගෙයක්වෙයි.
·        රවි වෘෂභ මකර කුම්භ රාශියක (සතුරු) නම් පියාගේ සැප ජීවිතයෙන් ඈත්ව අනුන් යටතේ වැඩ කරයි. යට සඳහන් කළේ රවි ගේ පිහිටීම ගැන පමණි.
·        කේන්ද්රයක 8 වැනි රාශිය ලෙඩ රෝග, සැත්කම් ගැන කියන තැනයි. අටේ සිටින ්‍රහයා, අට දකින ්‍රහයා හෝ අට අධිපති ්‍රහයා රෝග කෙරෙහි බලපෑම් කරයි. මරණයට අට වැන්න දායක වෙයි. ්‍රහයෙකුට 8 වැන්න නොපෙනුනත් අටේ ්‍රහයෙකු නැතත්, අට හිමි ්‍රහයාට අයත් ලෙඩක්වේ.
·        රවි අටේ සිටියේ හෝ අට වැන්නට නෑකම් ඇත්තකු වූයේ නම් ගින්න හෝ උෂ්ණ රෝගයකින්ද, සක්‍ර නම් ජලය නිසා හෝ බඩ යැම ලේ දූෂණය වැනි හේතුවකින් . අටේ බුද නම් මොළයේ උණ වැනි රෝගයකින් ·        ගුරු වූයේ නම් මානසික රෝගයකින්ද, නැතහොත් සොයාගත නොහැකි රෝගයකින්ද, සිකුරුගෙන් නම් බීමත්කම නිසාද·        ශනිගෙන් නම් බඩගින්න නිසාද මරණය විය හැකිය.
·        අට වැන්න ්‍රහයන් කීපදෙනකු විසින් දකිනු ලැබුවොත් ලෙඩ කීපයක් විය හැකිය.
·        අට චර රාශියක්නම් (මේෂ, කටක, තුලා, මකර) පිටරටකදී , තිර රාශියක්නම් තම නිවසේදී උභය රාශියක්නම් අනුන්ගේ තැනකදී මරණය සිදුවෙයි.·        යමකුගේ කේන්ද්රයේ රවි 10 , කුජ 4 සිටියේ නම් මරණය උසකින් වැටීමකින් වේ.
·        ශනි 4 ත් න්ද්‍රයා 7 ත් කුජ 10 ත් නම් ළිඳකට හෝ ජලාශයකට වැටී මියයයි·        රවි න්ද්‍ර කන්‍යාවේ සිටියදී එයට අශූභ දෘෂ්ටියක්වැටුණේ නම් ස්වකීය නෑයන් නිසා මරණය සිදු වේ. නැතහොත් ඥාතීන් නිසා සිය දිවි නසා ගැනීමක්වේ.
·        ධනු, මීන, කන්‍යා, මිථුන යන උභය රාශියක්ලග්නය වී නම් ලග්නයේ රවි - න්ද්‍ර වෙතොත් දියේ ගිලීමෙන් මරණය වන බවක්ජාතක පරිජාත සංග්‍රහයේ සඳහන් වේ.·        සෙනසුරු කටකයේත්, සඳු මකරයේත් උපතේදී සිටියේ නම් උදර රෝගයක්නිසා මරණය සිදු වේ.
·        සඳු මේෂ වෘශ්චික රාශියක පාපීන් අතර සිටියේ නම් ආයුධයකින් මරණය වේ. ගින්නෙන් හෝ පිටගැස්මෙන් මරණය වේ.
·        සඳු පාප පීඩිතව, පාපීන්ට මැදිව කන්‍යාවේ වෙතොත් ලේ නරක්වීමෙන්ද, කෙට්ටු වීමෙන්ද, සඳු පාපීන්ට මැදිව මකරයේ සිටියොත් හෝ කුම්භයේ සිටියොත් එල්ලීමෙන් දිවි හානි කර ගනී. පිළිස්සීමෙන් මරණය විය හැකිය.·        ශුභ ්‍රහයන්ගේ දැකීමක්නොලද පාප ්‍රහයන් උපතේදී පස්වැන්නේ හෝ 9 වැන්නේ සිටියේ නම් බලහත්කාරකමකින් ·        අෂ්ටම දෙර්කාණය යෙදුනේ නම් සර්ප විෂකින් මරණය වේ.
·        හත් වැන්න කන්‍යා රාශිය වී සඳු පාපියකු සමඟ එක් එහි වුවොත් සිකුරු මේෂ රාශියේ වූයේ නම් බිරිය අතින් හෝ කාන්තාවකගෙන් මරණය වෙයි. එසේ සිටියොත් වස පානය කිරීමෙන් මරණය සිදුවන බව සාරාවලිය කියයි.·        රවි - ශනි - කුජ යන ්‍රහයන් තිදෙනා උපතේදී 4 වැන්නේ වූයේ නම් උලක්වැනි දෙයක්ඇනීමෙන් මරණය සිදුවනු ඇත.·        පස්වැන්නේ අඟහරුත් 9 වැන්නේ සෙනසුරුත් සඳු සමඟ සිටියේ නම් මරණය එසේය. එම යෝගයේදී කුජ ්‍රහයා සෙනසුරුගේ දෘෂ්ටියට ලක්වුණොත් පොලු පහරකින් හෝ ගසකට යටවීමෙන් මරණය සිදුවෙයි. අදහස්සාරාවලියේ .·        අව පස සඳු කුජ, ශනි හා රවි සමඟ ජන්ම කේන්ද්රයේ 8, 4, 01, 10 වැනි තැනක වූයේ නම් පොලු පහරකින් මරණය සිදුවනු ඇත. එම ්‍ර පිහිටීම 1, 5, 9, 10 යන රාශියක යෙදීම නිසාත් එම ්‍රතිඵලයම දෙයි.·        කුජ ග්‍රහයා 4 වැන්නේත්, රවි හත් වැන්නේත් සෙනසුරු 10 වෙතොත් ආයුධයකින්, ගින්නෙන් හෝ රාජ උදහසකින් මරණය සිදුවනු ඇත.
·        තුවාලයක්නිසා හෝ සැත්කමක්නිසා හෝ නැතොත් සතකු විසින් හපා කෑමක්නිසා මරණය සිදුවන්නේ සෙනසුරු 2 ත් සඳු 4 ත් කුජ 10 ත් සිටීම නිසා .
·        ශනි න්ද්‍ර දෙදෙනා ලග්නයේත් රවි 10 හා කුජ 4 ත් වෙතොත් සිරුර පොඩිපට්ටම් වී මරණය විය හැකිය.
·        තද පාපියකු වන අඟහරු ලග්නයේත්, සෙනසුරුව නීචව මේෂයේත්, සඳු මකරයේ හෝ කුම්භයේත් වෙතොත් කුණු අපවිත්‍රතා මැද මරණය යෙදේ.·        රාශිය හා රාශියේ සිටින ්‍රහයාගේ කාරක අයිතිය අනුවත් මරණය සිදුවෙයි.
·        හතරවැනි රාශිය සිවුපා (මේෂ, වෘෂභ, සිංහ) රාශියක්වී නම් සිවුපා සතකු නිසා මරණය සිදුවිය හැක.
·        බොහෝ විට සැත්කමකින් මරණය වීමට කුජ දායක වෙයි.
·        කුජ 7 ටත් ශනි න්ද්‍ර ලග්නයටත් යහපත් නැත. අව පස සඳු විසින් කුජ ්‍රහයා දැක ශනි 8 වැන්නේ වෙතොත් අර්ශස්මුත්‍රා අමාරු නිසා මරණය සිදුවන්නේය.
·        මේ සියලු ්‍රහ පිහිටීම්වලට අමතරව අයහපත් දෙර්කාණයත් මරණයට දායක වෙයි. දෙර්කාණ 36 අතුරුන් 22 වන දෙර්කාණය වඩාත් මරණයට හේතු විය හැකි බව කියෑවේ. මේ දෙර්කාණ අතර ගිනි දෙර්කාණ, ආයුධ දෙර්කාණ, ජල දෙර්කාණ, සර්ප දෙර්කාණ ආදී වශයෙන් සඳහන් වන තැන මරණයට හේතුව කුමක් යනු එම දෙර්කාණ නාමයෙන්ම සිතා ගත හැකිය. දෙර්කාණ 36 න් 22 වැනි දෙර්කාණය වඩාත් මරණයට නෑකම් කියන බව කියෑවේ. 22 වැනි දෙර්කාණය 8 වැන්නේ බලකරුය.·        ලග්නයේ සිටි ්‍රහයා නවාංශක පාලක ්‍රහයා, හෝ එම ්‍රහයා සමඟ යෝග වූ නැතොත් දෘෂ්ටිය හෙළන ්‍රහයා අනුව මරණය යෙදේ.·        සසරේ කරන ලද පාපකර්මයන්ගේ විපාක ගෙන දෙන රාශි හා එම රාශි අධිපතීන්ගේ දශාව කුමක්දැයි ජන්ම කේන්ද්රයේ පැහැදිලිවම දක්වා ඇත.
·        6 සහ 8 යන රාශිත්, එම රාශි අධිපතීන්ගේ දශා කාලයත් එම රාශිවල සිටි ග්‍රහයන්ගේ දශා කාලයත් පෙර කරන ලද පව් පළ දෙන කාලයයි.
·         9 වැන්නත් 9 වැන්නේ සිටින ග්‍රහයාත්, 9 අධිපතියාගේ දශා කාලයත් පින් පළ දෙන කාලයයි. එහෙයින් ජන්ම කේන්ද්රය තුළ සසර ගමනේ ක්‍රීයාවලිය සටහන්ව තිබේ.
මෙම සටහන පියසේන රතුවිතානයන් විසින් පලකරන ලද ලිපියකින් උපුටා ගත්තකි. ඔබගේ කේන්දරය ගෙන ගලපා ගන්න උත්සහා කරන්න.
අපි කවදා හෝ මියයන්න උපන් බැවින් මරණයට කම්පා විය යුතු නැත.


notes of imaginary