පරිවර්ථනය - Translate සිංහල > TAMIL> ENGLISH

Saturday, September 24, 2011

මද්දහනේ නිලාවේලි වලට.

ගිරිහඩු සෑයයෙන්  ආපසු ත්‍රිකුණාමලය දෙසට එන අතර අපේ නඩේ නිලාවේලි මුහුදු තීරයට පිවිසුනා.
අපේ විද්‍යාර්ථීන් සැලසුම්, පරිපාලන, මුදල්  සංවර්ධණ වගේ දෙපාර්තමේන්තු රැසකට අයත් උදවිය . මේ රැල අතර සිටින ශාරීරීක අධ්‍යාපන උපදේශක වරයා  තමයි ගමනේ සැලසුම් අංශයේ ප්‍රධානියා. මෙතුමා පරිපාලන බලතලත් කණ්ඩායමේ  නායකත්‍වයත් රාජකාරි ලැයිස්තුවට ඇතුලත් වෙලා තිබුනා.  කණ්ඩායම නියමිත කාලසටහනකට හසුරුවන බව ගමන පටන් කලින්ම නිවේදනය කලා. මගෙන් අහන්නේ නැතිව කටින් කෙළ බිංදුවක් වත් හලන්න බෑ තේරුනාද ?  මනුස්සයා‍ නීතීපොත පෙරලන ගමන්  උපදෙස් දුන්නා.  එතුමා ගේ අණ තමයි ගමන කෙළවර වෙනකම් බලපවත්වන්න ඕන කියලා මුලින්ම කිවත්  එතුමා හැර අනෙක් සියල්ලෝම නීතියට රූලට වැඩ කලා කියලා මීදුමට හිතුණා.


පාන් ගන්න  ප්‍රේස්ටි ෂොප්  දහයක් දොළහක් පහු කරලා රටබීම අළවි සැලක් ගාවින් තියෙන ප්‍රේස්ටි ෂොප් එකක් හොයා ගන්න  කිලෝ මීටර් විස්සක් තිහක් ගෙවන්න මේ ලොක්කෝ සමත් වුනා. ඉස්සරහ දොරෙන් පාන් එන කොට බස් එකේ ජනේල් අතරින් තිප්පොලවල් වලට බඩු ආවා. සීට් ඇතුලට නැමිලා තොල කට පිහිදා ගන්නේ හරියට  හොරපොලකට රිංගලා එළියට බහින්න වගේ. නඩේ එක්කෙනාට එක්කෙනා ගානේ පොලිසිය හිටියත් පොලිසිය නොමග යවන්න මේ ඇත්තෝ සමත් වුනා.
කොහොමද අද රාත්‍රි නවාතැන්.?. ඕ ......... ඒවා ඔක්කොම හරි. කලින් වෙන් කරවා ගෙන තියෙන්නේ ?. සැලසුම් ප්‍රධාණියාගෙන් අහපුවම උත්තරය වුනත් හැමදාමත් අගුවක බිම නිදාගන්න තරමට තිතට සැලසුම ක්‍රියාත්මකයි. ගමන් කාලසටහන නරඹන ස්ථාන  ලිපිගොණුවක අපුරුවට ගොනු කරලා . ඒත් ක්‍රියාත්මක වැඩ පිළිවෙල බස් එකේ කොන්දොස්තර පඩිතුමාට ඕන හැටියට.
අන්තිමට බලමුවහම ආණ්ඩුවේ කාර්යාලයක වැඩ වගේ ගමනත් සැලසුමෙන් බාගයක් වත් කෙරිලා නැහැ.


ඔයින් මෙයින් නිලාවේලි ගැන කියන්න බැරිවුනානේ  ගිණි ගහන මධ්‍යහ්න දොළහට  අපි කණ්ඩායම නිළාවෙලි වැල්ලට බැස්සුවා. උඩිනුත් ගින්දර යටිනුත් ගින්දර ආප්පේ වගේ කරවෙලා මීදුම ඉක්මනින්ම වාෂ්ප උනා  හෙවනකට. උදේ නවයට විතර නිලාවේලි පහුකරගෙන ගිරිහඩු සෑය බලන්න  ගියා. ඒ වෙලාවේ නිලාවේලි වෙරළට ගියා නම් විදින්න තිබු චමත්කාරය  සිහිපත් කරගෙන  ඈත ඉදන්  නිලාවේලි වෙරළ දිහා බලා හිටියා.
සැළසුම් විද්‍යාර්ථීන්ගේ නේ ! .  නම පොඩ්ඩක් වෙනස් කරලා කිව්වත් මේ ගොල්ලත්  ඒ දණ්ඩේ යන්න බැරි කට්ටියනේ මීදුම තීරණය කලා .
වෙරළ ජනාකීර්ණයි. කුච්චවේලි ප්‍රාදේශිය සභාව සංචාරකයිනට වැල්ලේ හෙවනක් නම් හදා දීලා තියෙනවා. යන එන පාර අවට පරිසරය ටිකක් ක්‍රමවත් කරලා. පරෙවි දූපතට  සංචාරකයින් ගෙන යන බෝට්ටු එනවා යනවා. 

ගිණිමද්දහනේ ඩිංගකින් පදම වැඩිවෙන බව නොදන්නා   ගැටයෙක් ඌරු පැටියෙක් වගේ වැල්ල අවුස්සා ගෙන කබානාවක ඔළුව ගහගෙන වමනේ දා ගෙන නිදි .





මීදුම නිලාවේලි වලදී ඉතිරි කර ගත්ත ඔය අනම් ටිකත් එක්ක මේ පින්තූර ටික බලන්නකෝ. අර ඈතින් පේන්නේ පරවි දූපත.



Thursday, September 22, 2011

ගිරිහඩු සෑයේ ඓතිහාසික පුවත.

කවදාවමත් වෙයි කියලා හිතන්න පුළුවන්ද ?. මේ උත්තමයෝ පයින් යයි කියලා.

ඓතිහාසික කතා පුවත.

ඓතිහාසික කතා පුවත.

මේ ශෛලමය ජල ගබඩාවම විශ්කමකි.

Wednesday, September 21, 2011

ගිරිහඩු සෑය (නීතුපත්පාන)

සියුමැලි ලෙස යෙදු කැටයම් සහිත පඩිපෙල

ඉහලසිට බැස එන විට වම්   පස පොකුණ

ඉහලසිට බැස එන විට දකුණු  පස පොකුණ
මුරගල

වහල දරා සිටි කුළුණු

නිලාවෙලි කුච්චවෙලි ගොඩබිම් කදුවැටි සමග මුහුදු තීරය
කුළුනු හිස් 

මුරගල සදකඩපහන සහිත පිවිසුම යහ පඩිපෙල, කොරවක් ගල් 
නිලාවෙලි කුච්චවෙලි ගොඩබිම් කදුවැටි 


කොරවක් ගල 
තුරු ලතා වියනේ සෙවන යටින්  පඩි සහිත පිවිසුම් මග

ගිරිහඩුසෑය - තිරියාය

  මීදුම  පසුගිය සතිය වෙන් කරන්න වුනේ නැගණහිර සංචාරයකට.


 ඒ 4 මාර්ගයෙන් මඩකලපුවටත් එතනින් අම්පාර ටත් ගිය අපි ත්‍රිකුණාමලයෙන් සංචාරය නිම කරලා හතරවෙනි දවසේ ගම් බලා හැරුනා.
ගමනේ රසතැන් බොහෝමයි. එක්වෙලා හිටි කට්ටිය විවිධ තාරාතිරමේ විද්‍යර්ථීන්. නඩේ හැටක් විතර හිටියා . හැටකගේ කතා පෙට්ටි විවර වුනාම දවස් හතරක් අඩුතරමේ කතා දෙසිය හතලිහක් වත් නිර්මාණය වෙනවා.

මීදුම සටන් විරාම කාලෙත්  යුද්ධයට විරාමය වැටුන විගසත් නැගණහිර සංචාර තුනක් කරලා තිබුනා. මෙවර දුටුවේ විශාල වෙනසකට පත්වන නැගණහිරක්. පාරවල්  තොටවල් අළුත් වෙලා . අළුතින් ගොඩනැගිලි  කල එලි වැටීගෙන නැගිටින නැගණහිරක්.  

ආගිය කතාත්  ගමනේ හමුවු වැදගත් දේවල් ලියන්නත් ඕනී නිසා අද වෙන්වෙන්නේ   තිරියාය හිරිගඩු සෑයේ විත්ති වලට. මීට කලින් ගිය හැමවතාවකම කාලය හරස් වෙලා නැත්නම් වෙනත් හේතුවක් මතුවෙලා මග හැරන හිරිගඩු සෑය දැක්කම මීදුම පසුතැවිල්ලට පත්වුනා මීට කලින් එන්න බැරිවුනාට.

ත්‍රිකුණාමලයෙන් නිලා වැලි පසුකරගෙන පුල්මුඩේ ට යන පාර කාපට් අතුරලා දර්ශණිය පාලම් ඉදිවෙලා තිබුනා. ඉරක්කන්ඩි , පොඩුවකට්ටු සහ යාන්ඔය පාලම් මතක හිටින පරිසර පද්ධතියට ආභරණයක් වෙලා.
ඉරක්‌කණ්‌ඩි පාලමෙන් අපි එගොඩ වෙලා කිලෝමිටර් කිහිපයක් පසු කරන විට අපට කුච්චවේලි හමුවුනා. කුච්වෙලි නමින්  ප්‍රාදේශීය ලේකම් කොට්‌ඨාසයක්‌ තියෙනවා . නිලාවැලි  අයත් වන්නෙත්  මේ කුච්වෙලි ප්‍රාදේශීය ලේකම් කොට්ඨාශයට.  කුච්චවේලි හරහා යන අපිට  යුද්ධයයේ නටබුන් තාමත් අතරින් පතර දැකිය හැකිවනවා. නව සංවර්ධන ව්‍යාපෘතිත්  මීට අවුරුදු තුනකට පමන පෙර නැගණහිර එන විට දුටු දර්ශණත් ගලපන විට  කරුණලා පිල්ලෙයාන්ලා ප්‍රභාකරන් එක්ක අත්වැල් බැදගෙන ජනතාව ‍මැරුවා මිසක් වෙනත් ව්‍යාපෘතියක් කරලා නෑ කියලා හි‍තේ ඇදෙනවා.


 කුච්චවේලිය පසුකරන  අපි පොඩුවාකට්‌ටුවට ළඟා වෙනවා. පොඩුවාකට්‌ටු කලපුව අසලදීත් අපට දැකගන්නට ලැබෙන්නේ ඉරක්‌කණ්‌ඩිවලදී දැකගත් ආකාරයේම ආරුක්‌කු පාලමක්‌. පොඩුවාකට්‌ටුව පසුකරමින් මීළඟට අපි ළඟා වෙන්නේ තිරියායට. මහමුහුද අද්දරින් වැටී ඇති පුල්මුඩේ මාර්ගයේ පැමිණි අපි තිරියායට පැමිණීමෙන් පසුව තිරියායේ සිට කිලෝමීටර් 3 ක පමණ දුරක් ගෙවා අපි අද කතා බහ සදහා වෙන් වෙන ගිරිහඩු මහා සෑයට ගොඩබිම දෙසට විහිදුන අතුරු පාරකින්  පැමිණියා.
මීදුම හිත බැද ගත් මේ පින් බිම අප බුදුරජානන් වහන්සේ‍ගේ කේෂ ධාතූන් නිදන් කර තපස්සු බල්ලුක වෙළද සමාගම විසින් බුදුන් ජීවමානව සිටි කල ඉදිකල බවකුයි බෞද්ධ ඉතිහාසයේ සඳහන් වන්නේ.
අතීතයේදී ලංකාවෙන්  භාරතයට වෙළෙදාමේ ගිය වෙළෙන්දන්  තිරියායට ඉහළින් ඇති හාල්කන්ද නොහොත් අරිසිමලේ තම වෙළෙඳ මධ්‍යස්ථානය ලෙස භාවිත කළ බව ‍‍ඓතිහාසික කතාවක් පවතිනවා. භාරතයේ සිට කේශ ධාතු රැගෙන හාල්කන්දට පැමිණි තපස්සු භල්ලුක වෙළෙඳ දෙබෑයන්  මුහුදු තීරයට සමීප  ආරක්‍ෂිත  ස්‌ථානයක්‌ වූ තිරියායේ කඳු මුදුනක ගිරිහඬු සෑය නමින් දාගැබක්‌ ඉදිකොට එහි ධාතුන් නිදන් කළ බවත් මේ කතාවට ඇතුලත්.

ගිරිහඬු සෑය අලංකාර වටදා ගෙයකින් නිර්මිත විහාරයක්‌. අතීතයේදී මෙහි සුවිසල් විහාරයක්‌ පැවැති බවට අවට නටබුන් සාක්‌ෂි දරනවා. සෑය පිළිබඳව තොරතුරුත් සෑය වන්දනා කිරීමට සකස්වු ගාථාත් ඇතුලත්  ඉපැරණි සෙල්ලිපියක්‌ද මෙම පරිශ්‍රයේදී  දැකගත හැකියි. ඉතා අලංකාර වන තුරු වදුලක්‌ යටින් ශෛලමය පියගැට පෙළක්‌ නැග යා යුතු මෙම විහාරය  මට සිහිපත් කලේ දෙණියාය ගැටබරුව විහාර පරිශ්‍රයට යන පියගැට පෙළත් සමග මාවත. දෙණියායේ සිසිලස නැගණහිර නැතිවුනත්  මේ වන වදුල යටින් පියගැට පෙල නගින  විට නැගණහිර තාපය දැනුනේම නෑ. ගලින් නෙළන ලද විහාර භූමියයේ ඉදි කිරීම් අතර තනිවු මට සියුමැලි කරන ලද ගල් කුළු  නෙළු  ගල් වඩුවානන්ගේ දක්‍ෂතාවය අගයන ක්‍රමවේදයක් නොමැතිවීම ගැන ඇතිවූයේ පසුතැවිල්ලක්.

ඊලග වියමන ගිරිහඩු සෑයේ පින්තූරත් සමග මීදුම ඔබව හමුවෙනවා.  තවත් කතා බහටත් ඉඩ අරගෙන.

ගිරිහඩුපාය නීතුපත්පාය ලෙසින් හදුන්වනවා. වෙළද නායකයන් පැමිණි ගල්තලය  අර්ථවත් වන නෙතු පතන පාසාණ නීතුපත්පාය ලෙස වහරට එකවු  බවයි පැවසෙන්නේ 
.අම්බලන්තොටත්  ගිරිහඩු සෑය නමින් මෙවන් කතා පුවතක්‌ සහිත විහාරයක්‌ අපට හමුවූ වෙනවා. ඒ වගේම භාරතය අවටත් කේශ ධාතු චෛත්‍යය කිහිපයක්‌ම හඳුනාගත හැකි බවත් අපේ නඩේ හිටපු සමාජ අධ්‍යයන හා ඉතිහාසය පිළිබද විද්‍යර්ථීයා අතුරු කතාවක් දැම්මා. 
මිදුම භාරතය කොහොම වෙතත් කවදා හෝ අම්බලන්තොට   ගිරිහඩු සෑය බලන්න යන්න ඕනි කියලා හිතේ සටහන් කර ගත්තා.

Posted by Picasa

Tuesday, September 20, 2011

ඇල්බට්‍ අයින්ස්ටයින් ගේ රිපෝට් කාඩ් එක.

ඇල්බට්‍ අයින්ස්ටයින් ගේ රිපෝට් කාඩ් එක.
 ඇල්බට්‍ අයින්ස්ටයින් ජර්මනියේ උපත ලද සෛද්ධාන්තික භෞතිත විද්‍යාඥයෙක් විය. ඔහු සිය සාපේක්ෂතාවාදය හා ස්කන්ධ - ශක්ති තුල්‍යතාව ( E = mc2) සඳහා වඩාත් ප්‍රසිද්ධ ‍වී ඇත. අයින්ස්ටයින් ඔහුගේ සෛද්ධන්තික භෞතික විද්‍යාව සදහා වු සේවය හා විශේෂයෙන්ම ප්‍රකාශ විද්‍යුත් ආචරණ නියම වල සොයා ගැනීම්‍ නිසා 1921 දී භෞතික විද්‍යාව සදහා වු නොබෙල් තග්‍යායෙන් පිදුම් ලැබීය.

යාන්ත්‍ර විද්‍යාව සහ විද්‍යුත් චුම්භකත්වය නැවත සම්බන්ධ කරමින් ඉදිරිපත් කළ විශේෂ සාපේක්ෂතාවාදය සහ නව ගුරුත්වාකර්ෂණ වාදයකට නිර්මාණය කරමින් සාපේකෂතාවාදී මූලධර්ම ඒකාකාරී නොවන චලිතවලට ද අදාල කරමින් ඉදිරිපත් කළ සාමාන්‍ය සාපේක්ෂතාවාදය ද භෞතික විද්‍යාවට අයින්ස්ටයින් දැක්වු ප්‍රධාන දායකත්වන් වේ. ඔහුගේ අනෙකුත් දායකත්වයන් අතරට (සාපේක්ෂවාදී තාරකා විද්‍යාව , විශ්ව න්‍යාය විද්‍යාව) කේශික ක්‍රියාව, අවධි උපලනය, ස්ථිතිමය යාන්ත්‍ර විද්‍යා‍ෙව් ගැටළු හා ඒවායේ ක්වොන්ටම්‍විද්‍යාත්මක යෙදීම්‍, අණුක බ්‍රවුනිය චලිතය පිළිබඳ විවරණය, සංක්‍රමණ සම්‍භාවිතාව, ඒක පරමාණුක වායු පිළිබඳ ක්වොන්ටම්‍වාදය, අඩු විකිරණ ඝනත්වයක් සහිත ආලෝකයේ තාප ගුණ (මෙය ෆෝටෝන වාදයයට මුලික පදනම විය) උත්තේජිත විමෝචනය ඇතුලත් විකිරණ වාදය, ඒකීකෘත ක්ෂේත්‍රවාද සංකල්පය, භෞතික විද්‍යා‍ෙව් ජ්‍යාමිතිකකරණය ආදිය අයත්ය.
ඇල්බට්‍අයින්ස්ටයින් පල කළ ප්‍රකාශන අතරට විද්‍යාත්මක පත්‍රිකා /නිබන්ධන පනහකට වැඩි ප්‍රමාණයක් ද විද්‍යාත්මක නොවන පොත්පත් අයත් වේ. භෞතික විද්‍යාව සම්බන්ෂධ පිරිස් අයින්ස්ටයින් පුජක තත්වයේ ලා සලකන අතර 1999 දී ටයිම්‍ සගරාව මගින් ඔහු ශතවර්ෂයේ මිනිසා වශයෙන් නම්‍කරන ලදී. ඔහුගේ නම ගැලීලියේ ගැලීලි, අයිසැක් නිවුටන්, චාල්ස් ඩාවින්ස් වැනි විද්‍යාඥයන්ගේ නම් අතර ඔවුන් ද පවා අභිබවා යන තරම් විශිෂ්ඨ විද්‍යාඥයෙක් ලෝක ඉතිහාසයේ සුප්‍රසිද්ධම විද්‍යාඥයා වන්නේ ද ඇල්බර්ට් අයින්ස්ටයින්මය. වර්තමාන සංස්කෘතිය තුල අයින්ස්ටයින් යන්න විශිෂ්ට බුද්ධිමතා යන වචනයට සමාන පදයක් වශයෙන්ද භාවිතා වේ.

මරණය
අභ්‍යන්තර රුධිර වහනයක් හේතුවෙන් ඇල්බට් අයින්ස්ටයින් මිය ගිය අතර ඔහු ශල්‍යකර්මයක් ප්‍රතික්ෂේප කර ඇත. ඔහු වෛද්‍යවරයා‍ට පවසා ඇත්තේ "මට යෑමට අවශ්‍ය විට යා යුතුයි. කෘතිමව ජිවත් වෙලා ඵලක් නෑ.මම මගේ කොටස අවසන් කරලා තියෙන්නේ. මම ඒක කදිමෙට කරනවා" යනුවෙනුයි. පසුදින එලිවෙත්ම ඔහු ප්‍රින්ස්ටන්හි රෝහලක 76 වියේදි ‍මරණයට පත්විය.
-------- විකිපීඩියානිදහස් විශ්වකෝෂය  වෙතින් ඒ ලෙසින්ම උපුටා පලකරන ලදී.

Wednesday, September 14, 2011

පෞද්ගලික වෛද්‍ය විද්‍යාල අල කලංචිය.


මාලබේ පෞද්ගලික වෛද්‍ය විද්‍යාලයක් ඇරඹිම පිලිබදව විරෝධතාවයක්  ඇතිවී මේ වන විට  ඒ පිලිබද සමාජ කතිකාවක් ආරම්භ වී ඇත.
වෛද්‍යවරුන් සුලභ වීම ජනතාවගේ පැත්තෙන්  සුබවාදී ප්‍රතිපලයකි. ගිණි ගනන් දී චැනල් සේවයේ  අලවි වන රෝගීන්ට වෛද්‍යවරුන්ගේ ප්‍රමාණය වැඩීවීමෙන් එම ගසා කෑමේ ප්‍රවනතාවයට තරග වෙළද පළක් නිර්මාණය වන්නේ නම් වෛද්‍ය විද්‍යාල එකක් නොව දහයක් ඇති වීමද පලදායි නිමිත්තක් වනු ඇත.
පෞද්ගලික වෛද්‍ය විද්‍යාල  ටියුෂන් කඩ මෙන් ප්‍රමිතියක් නැති අවලන් කඩ වන්නේ නම් අවමංගල්‍ය අධ්‍යක්‍ෂකවරුන් ප්‍රමානයද සමානුපාතිකව වැඩි විය යුතුය. එසේ නොවුන හොත් ජනතාවට සිදුවන්නේ මිණි පෙට්ටි ගිණිගණන් ගොස් පෙට්ටියද නොමැතිව මිහිදන් වන්නටය.
පෞද්ගලික විශ්වවිද්‍යාල ආරම්භ කිරීම සඳහා වන අදහස මුලින්ම ඇති වුයේ 1977 බලයට පත් වූ ඡේ. ආර්. ජයවර්ධන ආණ්‌ඩුව යටතේය අවසානයේදී එජාප ආණ්‌ඩුවට තමන්ගේ එකඟතාවයෙන් පිහිටු වූ උතුරු කොළඹ වෛද්‍ය විද්‍යාලය, කැලණිය විශ්වවිද්‍යාලයේ වෛද්‍ය පීඨය බවට පත්කරන්නට සිදුවිය. මේ රජය යටතේ යටපත්ව  තිබු පෞද්ගලික විශ්වවිද්‍යාල සංකල්පය යළිත් හිස ඔසවන්නේ මාලබේ පෞද්ගලික වෛද්‍ය විද්‍යාලයක් ඉදිකිරිම පිලිබද කතා බහත් සමගය.
උසස් පෙල සමත් මුදල් වියදම් කිරීමට හැකි දෙමව්පියෝ තම දරුවන්  විදේශ රට වලට යවා අධ්‍යාපනය ලබා දීම නිසා විශාල විනිමය ප්‍රමාණයක් අහිමි වන බැවින් එයට පිළියමක් ලෙස පෞද්ගලික විශ්ව විද්‍යාල ඇති කිරීම වැදගත් බව රජයේ මතය වී ඇත.ඇත්තෙන්ම උසස් අධ්‍යාපනය සදහා යොමු වීමට සුදුසු කම් ලැබුවත් විශ්ව විද්‍යාල වලට ඇතුලත් වීමට වරම් නොලබන කොටසට පෞද්ගලික විශ්ව විද්‍යාල ඇති කිරීම මගින් යම් සහනයක් ඇති වන බව අප පිලිගතයුතුය. එහෙත් එම අධ්‍යාපන ආයාතන නිසි ප්‍රමිතියකින් යුතුවීය යුතුය.
රජයේ වෛද්‍යවරු පෞද්ගලික වෛද්‍ය විද්‍යාල ආරම්භ කිරීමට එරෙහි වන්නේ සත්භාවයකින් යයි සිතිය නොහැක. සෑම රජයේ වෛද්‍යවරයාම  පෞද්ගලික ප්‍රතිකාර  කරන ව්‍යාපාරිකයෝය. ඔවුන්ගේ වෙළද පොලට අළුතින් වෛද්‍ය කඩ විවෘත වීමෙන් ඇතිවන වෙළද තරගයෙන්  සිදුවන ආර්ථික හාණිය අවම කර ගැණිමට  වෛද්‍ය කඩ ප්‍රමාණය අවම කර ගත යුතුය. ඊට පිලියමක් ලෙස වෛද්‍ය වෘත්තිකයන් ප්‍රමාණය සීමා කර ගැණිමට දැනට ඇති වෛද්‍ය විද්‍යාල පවා වසා දමන්නේ නම් ඔවුන් කැමති වනු ඇත.
අධ්‍යාපනය ලැබීමේ අයිතිය  සැමගේම  අයිතිවාසිකමක් බැවින් රජයෙන් නොහැකිනම් පෞද්ගලිකව හෝ  අධ්‍යාපනය ලැබීමට පුරවැසියනට අයිතියක් ඇති බව අප අමතක කල යුතු නැත. මෙම අයිතියට  අධ්‍යාපනය ලබා ඉහලට ගිය අය අකුල් හෙලීම සුදුසු නැත.  

Tuesday, September 13, 2011

ප්‍රියංකර සොහොවුරියන් තිදෙනෙක්.



දුම්රිය ගැන බොහෝ දේ කියවන්න ඇත. දැන් කාලේට දුම්රිය  යන පදය යෙදීමද සුදුසු නැත.

1956 අප්රේල් මාසයේ 23දින ගමන් ඇරඹි උඩරට මැණිකේ ,රුහුණු කුමාරී, තවමත් සුපුරුදු ගමානාන්තයට නියමිත වෙලාවට නැතිවුනත් ගමන් කරන්නීය. යාල් දේවී යද තවත් ටික කලකින් ඇගේ ගමනාන්තය කරා ලගා වනු ඇත.

මෙන්න ගමන් ඇරඹුදා  ගමනට ලබා දුන් ප්‍රසිද්ධිය.

Wednesday, September 07, 2011

හොදටම වැඩිවෙලා

මේ ගොල්ලන්ට කැලේදී හම්බුවෙනවා පලතුරු වර්ගයක්. රසයි. කාපුවහම මත් වෙනවා. බොහෝම ආසාවෙන් කනවා. බලන්න ඊට පස්සේ වෙනදේ.
වියට්නාම් විස්කි ගෙනාවට - බොන්න ඉස්සෙල්ලා මේ වීඩියෝව බලන්න.
බෝතල් පිටින් බීලා වැඩි උනාම අපෙයි මේ ගොල්ලන්ගෙයි වෙනසක් නෑ නේද ?.
මීදුම නම් දැකලා තියෙනවා මේ වගේ හැසිරෙන ගෙදර යන්න බැරිව පාරේ නිදා ගන්න මහත්තුරු. වැසිකිලියට ගියා කියලා හිතා ගෙන කලිසම දිගේ ගංගාවල් මුදා හරින මහත්තුරු.
මොන කරුමයක් විදවන්නද මේ විදියට  මේ අය බොන්නේ කියලා තේරෙන්නේ නෑ

Monday, September 05, 2011

වියට්නාමෙන් ඉස්තරම්ම විස්කි.





වතුර නම් හැමදාමත් බොන මීදුමට හුගක් කාලෙකින් බොන්න හමුවුනේ නෑ. යාළුවෝ නම් කියන්නේ මීදුම ඇල්වතුරත් නිමලා බොනවා කියලා. ඇල් වතුරත් නොපෙවෙන  කාලෙක මේවා මොන කතාද ?. එහෙම කියන කොට ඉන්ධන වලත් ඇල්වතුර කියලා - ඉන්ධන  නැතිව ඇල්වතුරෙන් දුවන වාහන ත් අපේ රටේ හදන්න හදනවා. මේ දවස්වල .ඉන්ධන කියලා විකුනන්නෙත් ඇල්වතුර නේ ?.
කතාවෙන් කතාවෙන් වියට්නාමේ විස්කි බොන්න ගිය මීදුම දැක්ක දේවල් ගැන කියන්න අමතක වුනා ඔන්න බලමුකෝ මේ විස්කි වල හැටි. ටිකක් බීලම ඉමුකෝ. “දඩිස් බිඩිස්” එන්න ඉස්සෙල්ලා.






පොඩ්ඩක් ඉවසගෙන ඉන්න අනිත් බෝතල් ටිකත් අරන් එනකම්.